1 1911. Primeira escala da turné da tuna compostelana A relación de Castelao coa cidade de Pontevedra iníciase en 1911. Por entón, Castelao, coa súa carreira recén rematada, é requirido pola tuna universitaria presidida por D. Ramón Fernández Mato, como reforzo da mesma, nun percorrido de actuacións que estaba a punto de comezar. A primeira escala foi no Teatro Principal de Pontevedra. O acto empeza coa presentación da tuna. No turno correspondente a Castelao, este subiu ó escenario, onde había un gran taboleiro cheo de follas de papel superpostas. De cara ó público, Castelao foi trazando en cada folla unha caricatura dos personaxes máis coñecidos da vella capital: J. B. Andrade, Víctor Said Armesto... O público, entre a gargallada e o sorriso ía berrando os nomes. Esta primeira aparición de Castelao na vida pública de Pontevedra non pasou inadvertida xa que á mañá seguinte, os xornais La Correspondencia Gallega e Diario de Pontevedra, adicaron ó acontecemento os espacios de máis rango.			2. De auxiliar de estatística a profesor no instituto 3. Pontevedra decaía... 4. A exótica tertulia do Café Moderno 5. O galeguismo do café Méndez Núñez 6. A política e a amargura
	Castelao en Pontevedra	[2]